بسم الله الرحمن الرحیم
د لویی پکــتیا د میړنیو قومونو مشرانوته پیغام!
د لويی پکــتیا میــړنی او با غیرته اولس ته او د هیواد ځخه دننه او له هیواد ځخه بهرد هغوي مشرانوته خپل د زړه له کومي احترامات وړاندي کوم!
زمونږ د ګران هیواد د تاریخ په صفحو کي د لویی پکـتیا میړنی اولس په خپل وخت سره ډیري قربانی ورکړي دي ، او مونږ افغانانو ته ای ډیر ملي افتخارات ګټلي دی. له بده مرغه دا چي نن زمونږ اولسمشرخپلي پښي پرخپل لاس قطع کوي په دغه هکله به د افغانستان تاریخ او راتلونکي نسلونه په خپله فیصلی کوي. ځه مخکي می په رسنیو کي د لويی پکـتیا د غیرتمن اولس د استازي په لیکنه کښي ګیله او شکایت ولیدی، چي د اولسمشر کرزي صاحب څخه ناراضه وو. د لویی پکـتیا میړنی اولس د اولسمشري د لمړي ځل په ټول ټاکنوکي بدون له کومي غوښتني او یا کوم خاص امتیاز څخه په ډیره میړانه اوغیرت سره خپل ووټونه اولسمشر کرزی صاحب ته ورکړل. چی دا کار ټولو هیوادوالو ته لکه د لمر په شان مالومه خبره ده. راځو بلي موضوع ته هغه داچي د افغانستان د ولسمشری د دوهم ځل په ټول ټاکنوکي د لويی پکـتیا غیرتمند اولس ته له دروغو څخه ډکي وعدي ورکول کیږي او دهغوي د پاکو احساساتو څخه د غلا په شان ګټه اخستل کیږي دا ډیرد بی شرمي او د افسوس ځای دي . د لویی پکـتیا مشرانو او بااحساسه ځوانانو زه به تاسوته د یوه بل غیرتمند هیوادوال چی هغه په خټه د لویی پکــتیا دي او نوم ای احمد شاه ملګری مشهور په پا چاه دي د کندهارد غیرتمند اولس په مشرانو او کشرانو ډیر منلی شخصیت دی. د کندهار مشرانو څو ځله له اولسمشر کرزي څخه غوښتنه وکړه چی احمد شاه ملګري د کندهار د والی په حیث وګماری چی د کندهارد خلکو لپاره د خدمت وړ وګرځي، او همدارنګه په وطن مینو استادانو له اولسمشر کرزي صاحب څخه غوښتنه وکړه چي دکندهار لپاره احمد شاه ملګري د والی په حیث مناسب شخص دی. خو تراوسه پوري د اولسمشر ځخه هیځ درک ندي مالوم شوي. د لویی پکـتیا میړنیو مشرانو یو ځه باید تاسوته روښانه کړم، هغه دا چي اولسمشر کرزي نه غواړي چي پاک او ایمانداره اشخاص په کارونو وګماري. د هغه وجه داده چي اولسمشرد بد ماشانو ځخه هیره لري، او اولسمشر نشي کولاي چي بد ماش له دندی کوښه کړي، او نه د بدماش خبره پرځای غورځولي شي . هرځوک چی د بدماش له طرفه کرزي صاحب ته معرفي شوي، او معرفي کیږي په هغه وخت همغه شخص په کارګمارل کیږی.
نو د لويی پکـتـیا غیرتمندو مشرانو دوه راتلونکي کارونه وکړي:
لمړی: اتفاق او اتحاد ډیرد اهمیت وړ موضوع ده، له هیواد ځخه بهراو دهیواد ځخه د ننه په لویه پکــتیا تړلو مشرانو باید په یوه اواز او اتفاق سره لاسونه سره ورکړي، لکه د پخوا پشان چي ستاسو خدای بښولیو غیرتمندو مشرانو د یوالي لاسونه ورکړي وو. دلویي پکـتیا داولس په استازیتوب کرزي صاحب ته خپلي مشروعه غوښتني رسمي وړاندی کړي. او پوتوکافي له ځان سره وساتي او یوه میاشت ورته مولت وکړي. که تاسوته هغوي ځواب درنکړ نو بیا ماغوندي ورورلري همغه پوتوکاپي ماته راواستوي، زه هغه د ملګروملتونو سرمنشي بانکی مون، د بشردحقوقوټولنیزمرکز، او دجهان نورو سرچینوته استوم . ډیرچوپ پاتي شوو هیځ نتیجه ای ورنکړه، راځي یووالي اختیار کړو او خپل حقوق په قانوني ډول په میړانه سره ترلاسه کړو.
Alakozai09@hotmail.com
په درنښت ستاسو ورور
پوهنوال حمید الکوزی
د جهانی صلحی د مرکزد څيړنواستازی
نظریات (0)
چاپ
ملګري ته خبرورکول
پورته
